Израиль ұшақтарынан зардап шеккен Газа. Фото: NBC.

БҰҰ бас хатшысы Антоний Гутерреш Израильдің Газаға жасаған әуе шабуылдарын айыптады. Бұл туралы оның баспасөз өкілі Стефан Дужарик арнайы баспасөз жиынында мәлімдеді.

Мәлімдемеде, Израиль әуе күштерінің операциясынан палестиналық үш баланың қаза болғанын, Израиль күштерінің қарусыз халыққа және балаларға күш қолданғанын айыптады. Гутерреш Газадағы зардап шеккендер үшін алаңдаушылық білдірген.

Израиль тарабы осыдан бұрын Газадағы ХАМАС ұйымын бейбітшілік келісіміне мәжбүрлеу үшін өңірге сұрапыл әскери шабуыл бағыттайтынын айтқан болатын.

БҰҰ тарабы қарусыз палестиналықтар көбірек зардап шегетін әскери әрекеттерді тез арада тоқтатуға шақырды.

“The Qazaq Times”