Көлікпен шабуыл жасалды. Фото: Анадолы.

Ауғанстанның Майдан-Вардак провинциясындағы полиция ғимаратына жанкештінің жасаған шабуылынан 5 адам қаза тапты. Жергілікті арналар бұл Талибан ұйымының аймақты бақылауға алу үшін жасаған кезекті қадамдарының бірі екенін айтады.

Ауғанстандағы телеарналардың хабарына қарағанда, Талибан жанкештісі жарылғыш тиелген көлікпен полиция ғимаратына басып кірген. Полиция тарабының мәлімдемесінде, жарылыста 5 адам қаза болып, 12 адам жараланған. Ал, жергілікті емхана 31 жаралыны емханаға әкелгенін айтады.

Талибан ұйымы шабуылдан кейін мәлімдеме таратып, кезекті шабуылды өз мойынына алды.

“The Qazaq Times”