Фото: www.foreignbrief.com

Жапонияның үкімет басшысы Синдзо Абэ либералдық-демократиялық партияның төрағасы қызметіне тағайындалды. Аталған партияға үшінші рет басшылық ететін Абэ премьер-министр қызметін 2021 жылға дейін атқарады.

Бұған дейін либералдық-демократиялық партияның соңғы сайлауы 2012 жылы өткен. Биылғы сайлауда партия мүшелеренің көп бөлігі Абэге дауыс берді. «Асахи Симбун» басылымының хабарлауынша, Жапонияның саяси жүйесі бойынша парламенттік сайлауда басым дауыс жинаған партия төрағасы үш жылға премьер-министр қызметін атқарады. Партиялар арасында өткен сайлауға осыған дейін Қорғаныс, Ауыл шаруашылығын дамыту министрі болған Сигэру Исиба да түскен. Бірақ партия мүшелерінің басым бөлігі Абэге қолдау білдірді.

"The Qazaq Times"