Фото: Ирактағы митингке шығушылар

Ирактың Басра қаласындағы ирактық қауіпсіздік күштерімен арада жалғасқан қақтығыс салдарынан жеті адам қаза тауып, 30-дан астам адам жарақаттанған. Бұл туралы жергілікті ақпарат көздеріне сілтеме жасап haberler.com хабарлайды.

Қазіргі таңда, қала тұрғындарына үйлерінен шығуға тыйым салынған. Митингке шығушылар жергілікті әкімшілік ғимаратын өртке ораған. Ақпарат көздерінің мәліметінше, бұл жолғы тәртіпсіздіктер коммуналдық қызметтердің нашарлауына байланысты басталған.

Бұдан бұрын Ирактың оңтүстігінде жұмыссыздық, жемқорлық, электрэнергиясы, сумен қамтамасыз ету саласындағы үзіліс, әлеуметтік жағдайлардың нашарлауы сияқты келеңсіздіктерге байланысты қарсылық акциялары басталғанын жазған едік. Басрада басталған митингтер елдің Зикар, Бабиль, Майсан, Әд-Дивани, Наржаф сынды қалаларына да таралған.

“The Qazaq Times”