Фото: stratejikortak.com

Жексенбі күні Ауғанстанның шығысында жанкешті-террористердің шабуылы салдарынан НАТО-ның «Батыл қолдау» миссиясының құрамында қызмет атқарып жүрген үш әскери өлтірілді, - деп хабарлайды НАТО-ның аталған миссиясының сайтында.

Шабуыл әрекеті НАТО мүшелері патрульдік міндеттерін орындау кезінде болған. Жарылыс салдарынан НАТО-ның тағы бір америкалық мүшесі жарақат алып, ауғанстандық екі әскер қаза тапқан.  «Tolo News» телеарнасының хабарлауынша, жарылысқа «Талибан» қозғалысының қатысы бар.

Айта кету керек, «Батыл қолдау» миссиясы 2015 жылдың 1 қаңтарында басталған. Миссия ең алдымен оқу-жаттығуға, кеңес беруге және институалды және ұлттық деңгейдегі күштік министрліктерге көмек көрсетуге бағытталған.

“The Qazaq Times”