«Отар» 40-шы әскери базасының аумағында Армия халықаралық ойындарының «Сұңқар аңшылығы» байқауы өтті, Байқауда ҚР Қарулы Күштерінің командасы көш бастап келеді- деп хабарлайды Қорғаныс министрлігі.

«Сұңқар» аңшылығы байқауында  межеге дәл тигізу және байланысшылар жауынгерлікке жақындатылған жағдайда ақпаратты кім тез қабылдап, тарататынын айқындады. Байқаудың алғашқы кезеңінің қорытындысына сүйенсек, ҚР Қарулы Күштерінің командасы көш бастады. Екінші орында Иран өкілдері, үшінші орынға Белоруссияның қатысушылары жайғасты. Жаттығулар барысында командалар кешенді ұшуға дайындау, бейнені тіркей отырып, жердің әуе барлауын жүргізу, маршта лекті алып жүру және ҰҰА-ның бастапқы пунктке оралуы сынды тапсырмаларды орындады. Байқау жаттығуды орындауға жұмсалған жалпы уақыт бойынша бағаланды.

“The Qazaq Times”