Фото: Anadolu

Түркия президенті Режеп Тайып Ердоған егер парламентте тиісті заң жобасы қабылданған жағдайда, Түркияда өлім жазасын қайтадан қолға алуға дайын екенін мәлімдеді, - деп жазады «Anadolu» агенттігі Түркия президентінің баспасөз қызметііне сілтеме жасап.

«Егер осы шешім парламент тарапынан бекітіліп, менің ұйғарымыма жіберілетін болса, дереу қол қоямын», - деген Ердоған теракт салдарынан қаза тапқан әйел мен баланың жаназасында. Түркия президенті Сивас қаласына 25 жастағы Нұржан Каракай мен оның 11 жасар ұлы Мұстафа Каракайдың жаназасына келген болатын. Аналы-балалы екеуі Хаккари қаласындағы теракт салдарынан қаза тапқан еді. Әзірге, осы террорлық істі ешқандай топ мойындамауда.

“The Qazaq Times”