Фото: 20minutes.fr

Осы жылдың наурыз айында Скрипальдардың улануларына, одан кейін 30 маусымда ғана ағылшын азаматы  Дон Стерджестің өліміне себеп болған Солсберидегі жүйке-сал ауруын тудырушы улы заттек жабық контейнерде сақталса 50 жылға дейін «белсенділігін»жоғалтпайды. Бұл туралы Ұлыбритания полицейінің антитеррористік басқармасының басшысы Нил Басу мәлімдеді, - деп хабарлайды франциялық «20minutes.fr» агенттігі.

Басу аталған аймақ тұрғындарына аталған ауру таратушы улы заттек сақталған контейнерді іздеп жатқанын хабарлады. «Біз осы ауыр іске қатысты адамдарды таптық деп айта алмаймыз. Олар ешқандай да із қалдырмаған. Бәрін жасырған. Алайда, бәрінен де ауыры сіздерге осы іске қатысты ашық ешеңе айта алмауым» , - деген ол. Ол, 30 маусым күні уланған екеудің бірі Чарли Роулидің аталған контейнердің қайда екендігіне қатысты ақпарат бере алады деп үміттенеді. Роули қазіргі таңда есін жинағанмен, әлі де дәрігерлердің қарауында.

 “The Qazaq Times”