Халықаралық бокс федерациясы қазақстандық кәсіпқой боксшы Геннадий Головкинді әлем чемпионы атағынан айырды. Бұл туралы "BoxingScene" басылымы хабарлады.

IBF ұйымы Головкин чемпиондық атағын сақтап қалғысы келсе, украиндық боксшы Сергей Деревянченкомен қолғап түйістіруі керек деген еді. Талап бойынша, қос боксшы 3 тамызға дейін кездесу өткізуі тиіс болған. Алайда Головкин бұл мерзімге дейін дайын болмайтынын айтып, халықаралық федерация талабын орындаудан бас тартты. Осыдан кейін, оны чемпиондық атақтан айырды.

“The Qazaq Times”