Фото: zapad24.ru

Мәжіліс отырысында бала құқықтары жөніндегі уәкіл Зағипа Балиева елімізде балалар өлімі сиремей тұрғанына алаңдаушылық білдірді. Оның сөзінше, жыл басынан бері Қазақстанда 26 бала қасақана өлтірілген. Тағы 136 жеткіншек өз-өзіне қол салыпты.

Зағипа Балиева өлім-жітім саны өткен жылдармен салыстырғанда бірте азайып жатқанымен, әр баланың өмірі қазақ қоғамы үшін бағалы екенін айтты. Сондықтан ата-аналарды өз балаларының қауіпсіздігіне аса сақтықпен қарауын өтінді. Бүлдіршіндердің дені ерекше қорғалуы тиіс аумақтарда жазым болады. Мәселен, аулаларда, мектептер мен ауруханаларда. Мұндай орындарда ересектер қатар жүргенімен, көбіне бала өміріне араша түсе алмай қалып жатады екен.

Зағипа Балиеваның айтуынша, елімізде 2008 жылы 10 129 бала өлімі тіркелген екен. Ал былтыр 5 355 жеткіншек қаза тапқан.

 “The Qazaq Times”