НАТО әуе күштері. Фото: PRI.org.

5 маусымнан бастап Черногория әуе кеңістігін НАТО күштері қорғайтын болады. Бұл туралы Брюссельдегі НАТО Бас штабы арнайы мәлімдемесінде айтты.

Мәлімдемеде, әуе кеңістігін қорғауды Черногория тарабы өзі өтініш еткені айтылған. Себебі, аталған елдің әуе кеңістігін қорғауға ұшақтары болмаған. Аталған елдің кеңістігін Грекия мен Италияның әуе күштері күзететін болады.

Айта кетейік, НАТО-ға қарасты әуе күштері Испания, Португалия, Франция, Батық жағалауы елдері, Латвия, Литва және Эстония елдерінің әуе кеңістігін ортақ қорғайды.

“The Qazaq Times”