Хельман провинциясына қарасты Над-Али ауданында террорлық шабуыл. Фото: Анадолы.

Ауғанстанда үкімет күштеріне бағытталған террорлық шабуылдар барған сайын жиілей түсті. Өткен бір аптаның ішінде үкіметке қарасты қарулы күштерге, полицейлерге бағытталған шабуылдардан бірнешеуі болды. Апта соңында Хелман провинциясында жасалған шабуылдан 2 әскер қаза тапты. Бұл туралы «Анадолы» ақпараттық сайты хабарлады.

Апта соңындағы шабуылда террорлық топ жарылғыш тиелген көлікпен әскери тұраққа кірген. Күзеттегі жасақтардан 2 адам қаза тауып, 4 адам жарақат алған.

Кезекті шабуылды Талибан ұйымы өз мойнына алды. Қазір Ауғанстан жерінде террорлық топтардың бақылауындағы аймақтар барған сайын кеңейіп келеді. Әрі елдегі талибандар мен ДАИШ күштері күш біріктіруде. Бұл алдағы уақытта Ауғанстан ғана емес, онымен шекаралас елдер мен аймақтарға үлкен қауіп тудыратынын айтылуда.

“The Qazaq Times”