Фото: akorda.kz

Қазақстанда 2018 жылдың 1 шілдесінен бастап электронды виза енгізілмек. Бұл туралы ҚР Ішкі істер министрінің орынбасары Ерлан Тұрғымбаев хабарлады.

«Біз «Цифрлы Қазақстан» бағдарламасының аясында 2018 жылдың 1 шілдесінен бастап электронды виза енгізуді жоспарлап отырмыз. Бұл арқылы Қазақстанға келген шетел азаматтары СІМ консулдығына бармай-ақ, жұмыстарын бітіре алады», - деді Е.Тұрғымбаев.  Оның сөзінше, шетел азаматтарына ҚР көші-қон қызметін тікелей электронды портал арқылы пайдалана алады. Осы арқылы шетел азаматтарының Қазақстанға келу себептерін, қаржылық мүмкіндіктерін және қанша уақыт болатындықтары туралы толық мәліметтер жинақталатынын айтқан вице-министр:  «Біз өтініш беруші шетел азаматы туралы мәліметтерді қарап, егер ешқандай да шектеулер болмаса, визаны рәсімдейміз. Осылайша, әсіресе біздің елімізде консулдық қызмет органы жоқ ел азаматтары үшін тіркеу рәсімін жеңілдетпекпіз», - деді.

“The Qazaq Times”