Фото: worldbulletin.net

Түркия президенті Режеп Тайып Ердоған, Ресей басшысы Владимир Путин және Иран президенті Хасан Рухани Сүрия мәселесі үшін Анкарада бір мәмілеге келмек.

Сәуірдің 4-ші жұлдызында өтетін Сүрия саммитіне Путин бір күн бұрын бармақ. Екі ел басшысының жеке кездесулерінен кейін Түркия-Ресей Жоғары деңгейлі ынтымақтастық кеңесінің жиыны өтеді. Түркия мен Ресей арасындағы қарым-қатынас жан-жақты талқыланады деп күтілген осы жиында Сүриядағы соңғы оқиғалар да күн тәртібіне шығарылмақ.

Ал 4-сәуір күні өтетін жиынға Иран президенті Хасан Рухани да қатыспақ. Үш ел басшылары Сүриядағы қақтығыс жағдайына нүкте қою үшін және жағдайды тұрақтандыру мәселесіне қатысты жол картасын талқыламақ.

“The Qazaq Times”