Лестер қаласында күшті жарылыс болды. Фото: Reuters.

Британияның Лестер қаласында болған жарылыстан және жарылыстан кейінгі өрттен 4 адам қаза тауып, 4 адам жарақат алды. Бұл туралы BBC хабарлады.

Оқиға куәгерлерінің айтуынша, жарылыс аса күшті болған. Жарылыстан кейін бірден өрт шығып, үш қабатты ғимарат толықтай қираған. Қирандылар астында қалған адамдар бар болуы мүмкін. Оны полиция тарабы да жоққа шығармады.

Жарылыс болған ғимарат толықтай қираған. Фото: BBC.

Жарылыс болған ғимараттың бірінші қабатында дүкен болған, үстінгі қабаттары түгелдей жеке меншік пәтерлер. Көргендердің бәрі де жарылыстың тым қатты болғанын айтады.

Полиция қызметкерлері жарылыс себебін анықтауға кіріскен. Құтқару қызметі жалғасуда.

“The Qazaq Times”