Дания Ресей газына тосқауыл қойды. Фото: The Copenhagen Post.

Дания Парламенті жаңа заң жобасын мақұлдап, Ресей газын Германияға жеткізетін «Солтүстік желі-2» газ құбырының елінен өтуіне тосқауыл қойды. Бұл туралы «Анадолы» ақпараттық агенттігінің ресми сайты жазды.

Дания үкіметі ел территориясынан өтетін Ресей газына тосқауыл қою мақсатында, құбырлардың заңдық талаптар, сыртқы саясат пен ұлттық қауіпсіздікке сай болуын қадағалайтын жаңа заң жобасын дайындаған. Ел парламенті бекіткен заңда Ресей газын тасымалдайын құбырдың ел қауіпсіздігі мен заң талаптарына сәйкестігін қайта қарауға мүмкіндік берген. Бұл қызметті Сыртқы істер министрлігіне қарасты Ұлттық қауіпсіздік агенттігі атқаратын болады.

Дания мен Швеция газ тасымалдайтын құбырды елдерінен өткізу келісіміне қол қоюдан бұрын да, ЕО Комиссиясынан бұл жобаны мақұлдамауды талап еткен болатын.

“The Qazaq Times”