Фото: 112.ua

Соңғы екі айда Қытай мен Солтүстік Корея арасындағы тауар айналымы ең төменгі деңгейге дейін жетті, деп хабарлайды 24 kz.

Ресми мәлімет бойынша, өткен жылмен салыстырғанда, биыл Қытай еліне Корей түбегінен жеткізілген импорт көлемі 40 пайызға азайған. Reuters ақпарат агенттігінің хабарлауынша, өткен айдан бері мұнда көмір, темір, тоқыма және теңіз өнімдері мүлдем тасымалданбаған.

Айта кетейік, қыркүйектің басында Солтүстік Корея баллистикалық зымыранды жабдықтауға арналған сутегі бомбасын сынақтан өткізген болатын. Осыдан кейін БҰҰ-ның Қауіпсіздік кеңесі мемлекетке қарсы жаңа санкциялар салды. Қытай да Пиоңяңға қарсы жазалау шараларын күшейткен.

“The Qazaq Times”