Экономика саласы бойынша Нобель сыйлығының иесі Ричард Талер Фото: .interfax.ru

Стокгольмдегі Швециялық ғылым академиясы экономика бойынша Нобель сыйлығының лауреатының атын атады. Экономика саласы бойынша 49-шы Нобель премиясы экономист Ричард Талерге берілген. 

Ричард Талер 1945 жылы 12 қыркүйекте дүниеге келген, Чикаго университеті жанындағы Booth бизнес мектебінің мінез-құлық ғылымы мен экономика профессоры. Талер  Дэниел Кахманмен (2002 жылы экономика бойынша Нобель сыйлығының лауреаты) бірге жұмыс істеген.

2016 жылы экономикадағы Нобель сыйлығы  Олиер Харт пен Бенгт Хольмстремге берілсе, 2015 жылы англо-америкалық Энгус Дитон "тұтыну, кедейлік, әл-ауқат анализі" бойынша аталған сыйлықтың иегері болған.

Айта кетейік, бұған дейін бірнеше сала бойынша Нобель сыйлығының иегерлері анықталған. Мысалы Бейбітшілік бойынша Нобель сыйлығын Ядролық қаруға тыйым салу жөніндегі халықаралық кампания (ICAN) алса, әдебиет бойынша тегі жапон болғанымен, Ұлыбритания азаматы Казуо Ишигуро, химия саласы бойынша швейцариялық Жэк Дубочет, АҚШ-тың зерттеушісі Иохим Фрэнк пен Ұлыбританияның тумасы Ричард Хендерсон алды.

“The Qazaq Times”