Фото: vkrizis.ru

Франция Үкіметі бюджетке түсетін түсімді жылына 2 млрд еуроға арттыру үшін ірі компанияларға салынатын салық түрін уақытша арттыруға ниетті. Бұл жөнінде Le Figaro дереккөзіне сілтеме жасап, RNS басылымы хабарлады.

Басылымның ақпаратынша, Үкімет 2018 жылдан бастап алдағы үш жылда әлеуметтік сақтандыру жүйесінің шеңберінде елде жұмыс істейтін ірі компаниялар төлейтін әлеуметтік ынтымақтастық жарнасын арттыру жобасын қарастырып жатыр.

Ал Францияның бұрынғы Президенті Франсуа Олланд тұсындағы Үкімет керісінше, компаниялар үшін "салықты азайтамыз" деген. Яғни олар табысқа байланысты салық көлемін 33,3%-дан 28%-ға дейін азайтуға уәде еткен.

“The Qazaq Times”