имам Хамейни атындағы сарайда тағайындау болды. Фото: Pars Today

Бейсенбі күні түстен бұрын Иранның рухани көсемі Аятолла Хомейни Иран халқының берген дауысын қолдап, Хасан Руханиды Иран президенттік лауазымына қайта тағайындады. Бұл туралы сол елдің «Парс.Ақпарат» агенттігі хабарлап отыр.

Рухани көсемдері сайлауға ел халқының түгелге жуығы қатысқанын атап өтіп, республикалық жүйенің нығая түскенін көрсетеді деді. ИИР Президентіне өзінің бар күш-қуатын әділет орнату, қоғамның әлсіз топтарына қарайласу, ұлттық бірлік пен абырой-беделді нығайту, елдің ішкі мүмкіндіктері мен әлеуеттеріне көңіл аудару және Ислам революциясының құндылықтары мен негіздерін шынайы түрде сақтау жолында жұмсауға кеңес берді.

Иран Конституциясында президенттің ресми тағайындалуы рухани көсемнің қол қойып, бекітуімен және сенім хат беруімен жүзеге асады. Президенттік өкілетті кезең 4 жылдан тұрады. Бір адамның қатарынан екі кезең сайлануына мүмкіндік бар. Сонымен, 69 жастағы Хасан Рухани Иран Ислам Республикасының президентігіне ресми қайта тағайындалды.

“The Qazaq Times”