Фото: Радио Свобода

Мәскеу қаласында Өзбекстан журналисі ұсталды, деп хабарлайды CA-NEWS (UZ) ақпарат көзі.

Ресей астанасы Мәскеу қаласында «Новая газета» басылымының журналисі Өзбекстан азаматы Әли Ферузды (шын есімі Худоберді Нурматов) полиция қызметкерлері ұстаған.

Естеріңізге салайық, маусым айының басында Ресей билігі Әли Ферузға уақытша баспана беруден бас тартқан болатын. 2012 жылы Мәскеуде жүрген жерінде Феруздың төлқұжатын белгісіз адамдар ұрлап кеткен. Сол уақыттан бері ол төлқұжатын қайта алу үшін Өзбекстанға қайтып бармаған. Себебі оның сөзінше, егерде ол Өзбекстанға қайтып баратын болса, онда оған Өзбекстан билігі террористік ұйымдармен байланысты деп айып тағып, қамауға алуы мүмкін.

“The Qazaq Times”