Фото: Reuters

2017 жылдың бірінші жартысында Қытай Үкіметі жемқорлық жасағаны үшін  210 мың шенеунікті жазалаған. Бұл туралы Әл-Жазира (Al-Jazeera) ақпараттық агенттігі хабарлады. 

Орталық комиссияның мәліметінше, елдегі жемқорлыққа қарсы институттар ағымдағы жылы 1,31 млн шағым қабылдап, 260 мың істі ашқан. Жазаға тартылған 210 мың шенеуніктің қатарында 38 жоғары шенді, министрлік өкілдері де бар.

Ши Жинпиң билікке келген 2012 жылдан бастап, өзінің басты бағытын жемқорлыққа қарсы күреске арнады. Бұл бастаманы қолдамайтындар  жемқорлыққа қарсы күрес сылтауымен мемлекет басшысы өзінің  қарсыластарын саяси аренадан ығыстырып жатыр деп есептейді.

“The Qazaq Times”