Трамптың қызы және күйеу баласы. Фото: BBC.

АҚШ президенті Дональд Трамптың жоғары кеңесшісі әрі күйеу баласы Жаред Кушнер осы аптада Таяу Шығыста мемлекеттік сапарда болады. Бұл туралы «Түрік Теле-Радио» қызметінің ресми сайты хабарлап отыр.

Ақүйдің ресми мәлімдемешісі Шон Спайсер кезекті баспасөз мәслихатында Кушнер сапары туралы растады. Сапардың басты мақсаты Таяу-Шығыспен Америка Құрама Штатының жаңа қатынасын бекемдеуге бағытталатынын айтты.

Трамптың күйеу баласы өз сапары барысында Израиль премьер-министрі Беньямин Нетаньяхуға және Палестина басшысы Махмұд Аббаспен кездеспек.

Кушнер сапарының нақты мақсаты анық айтылмағанымен, АҚШ-тың Израильдегі бас елшілігінің Иерусалимге көшірілуі ісі туралы өзгерістерге әсер етуі мүмкін. Егер Иерусалим қаласына АҚШ елшілігі орналасатын болса, онда Құрама Штат бұл қаланы Израильдің астанасы деп мойындайтынын білдіреді.

“The Qazaq Times”