Фото: surfingbird.com

Колумбиялық қалашықтың Картахена портында болған бірнеше жарылыстың салдарынан әзірге белгілі ақпаратқа сәйкес кемінде 6 адам қаза тауып, 20-дан астамы жараланған.

Жарылыстың себептері анықталуда. Франс пресс агенттігі ақпарат көздеріне сілтеме жасай отырып, полицияның бұл жарылыстардың арнайы ұйымдастырылғанын немесе оқыс жағдай орын алғандығын тексеріп жатқандығын хабарлауда.

Жергілікті өрт сөндіру қызметінің өкілдерінің айтуынша: «Бірден үш жарылыс орын алған, оның екеуі бір жерде жарылған».

Жарылыстың екеуі америкалық кеме құрастыратын Astivik компаниясының аумағында, ал үшіншісі – колумбиялық Cotecmar корпорациясының жерінде орын алған.

“The Qazaq Times”