Жасанды Күн Фото: www.techcult.ru

Германия - жасанды қуат көздерін өндіретін ең дамыған елдердің бірі болып табылады. Соған дәлел – Германияның Юлих қаласындағы Аэроғарыштық орталықта  (DLR) әлемдегі ең үлкен әрі қуатты жасанды Күннің құрылысы аяқталды.

Synlight аталмыш үш қабатты құрылыс нысаны түрлі зерттеу жұмыстары мен жарықты пайдалана отырып, сутегі отынын өндіретін құрылғы ретінде пайдаланылатын болады.

Зертханадағы «Күн» ойысқан параболалық рефлектер секілді құрастырылып, ішіне 7 киловаттық 150 шам орнатылған. Жарықтың барлығы көлемі 20*20 болатын нүктеге бағытталған. Барлық шамдар іске қосылғанда температура 3500 °С – ге дейін жетіп, жарық қалыпты деңгейден 10 000 есе артады.

Жасанды Күннің көмегімен ғалымдар су буынан сутегіні бөліп шығаруды қолға алмақ. Егер жоспар толықтай жүзеге асатын болса, ұшақтар мен көліктерге экологиялық жанармайды өндіруге болады.

Бұл жобаны жүзеге асыруға 3,5 млн еуро қаржы жұмсалған екен.

“The Qazaq Times”