Қытай СІМ мәлімдемешісі. Фото: Press TV.

Қытай Сыртқы істер министрлігінің мәлімдемешісі, осы кезекті баспасөз мәжілісінде, ресми Бейжің тарабының АҚШ-тың Оңтүстік Кореяға орнатып жатқан «Саад» (Thaad) жүйесіне түбегейлі қарсы екенін білдірді. Бұл туралы сол елдің «Шинхуа» ақпараттық агенттігі хабарлап отыр.

Қытай Сыртқы істер министрлігінің баспасөз хатшысы Гың Шуаң (Geng Shuang) мәлімдемесінде: «АҚШ пен Оңтүстік Кореяның орнатқалы жатқан зымыранға қарсы «Саад» жүйесі, Солтүстік Кореяның қауіпсіздік жақтағы алаңын күшейтеді. Өңірдің орнықсыздығын арттыра түсетін болады. Нәтижесінде, түбек жағдайы тіптен шиеленісіп кетеді. Тіпті, тұтас Шығыс-Азияның тыныштығы мен тұрақтылығын кері әсер жеткізеді. Стратегиялық қауіпсіздік мәселелеріне кесірін тигізеді», – деп айып тақты.

"Сад" жүйесінің қамту аймағы. Фото: YongHU

Қытай жақ өз елінің стратегиялық қауіпсіздік мүдделерін қорғау және аймақтың шиеленісін болдырмау мақсатында, АҚШ үкіметінен Кореяға орнатылып жатқан «Саад» жүйесін тоқтатып, құрылғыларды еліне алып кетуін талап етіп отыр. Егер олай болмаса қалыптасқан жағдайға байланысты Қытай өз шараларын жүзеге асыратынын айтып ескерту жасады.

The Qazaq Times