Телепатия Фото: sanatori-dz.ru

Танымал кәсіпкер әрі өнертапқыш Илон Масктың Neuralink Corp компаниясы болашақта адамның өз ойы мен сезімдерін басқа адамға сезім мүшелері мен физикалық ортаның қатысынсыз жеткізу қабілетіне ие технологияларды жасауды қолға алмақ. Бұл туралы өнертапқыш Wait But Why сайтына берген сұхбатында айтқан болатын. 

Жалпы бұл құрылғының концепциясы "телепатияға" ұқсас келеді. Илон Масктің түсіндіруінше: "Сіз өзіңіздің сезімдеріңіз бен әсеріңізді жеткізу үшін сөз бен қимыл-қозғалыстың ендігі қажеті болмайды".

Фото. vkpnew.ru

Болашақта бұл технологиялар жүйке жүйесінің ауытқулары бар, сал ауруына шалдыққан немесе қартайған сайын есте сақтау қабілетінен айырылған адамдарға қоршаған ортамен байланысын үзбеу үшін медициналық мақсатта пайдаланылмақ.

Компания бұл құрылғының алғашқы нұсқаларын алдағы 4 жылда нарыққа шығармақ. Сонымен қатар оны қарапайым адамдарға арналған нұсқаларының да жобасы әзірленуде.

"The Qazaq Times"