Ұшақ апатынан 16 адам көз жұмды. Фото: Рейтер.

Татарстандағы Минзеле қаласының маңында L-410 ұшағы апатқа ұшырап, 16 адам қаза тапты. Татарстан президенті Рүстем Минниханов 11 қазанға дейін республика бойынша азалы күн жария етті.

Ресейлік ақпарат құралдарының хабарына қарағанда, парашютшылар мінген ұшақ 10 қазан таңертең Минзеле қаласының маңында әуеге көтерілгеннен кейін апатқа ұшыраған. Ұшақта 22 адам болған, Денсаулық сақтау министрлігі 6 адамның жарақат алып, емханаға түскенін мәлімдеді.

Ресми мәліметке сай, апатқа ұшыраған L-410 ұшағы Ресей әскери күштеріне ерікті көмек тобына тиесілі. Қазір ұшақ апатына байланысты тергеу амалдары жүргізілуде.

The Qazaq Times