Байден жаңа жоспарды бекітті. Фото: RIA.,

АҚШ үкіметі Тайуанға (Тайвань) қару-жарақ сату жоспарын ресми бекітті. Президенр Жо Байден құны 750 млн доллар тұратын қару-жарақты Тайуанға сату жоспарына қол қойды. Бұл онсыз да шиеленісте тұрған АҚШ-Қытай қатынасына әсер етуі мүмкін.

АҚШ Мемлекеттік департаменті осы аптада Тайуанға қару-жарақ сату бойынша жоспар бойынша Конгреске мәлімет берді. Үкімет бекіткен қару-жарақ саудасы Тайуанға жаңа тұрпаттағы арттиллерия мен жақын қашықтыққа арналған зымырандар жиындығын қамтиды.

Бейжің АҚШ-тың Тайуанды қолдауға бағыттаған кез-келген әрекетіне ашық қарсылығын білдіріп келеді. Кейде қатаң ескерту жасаса, кейде айыптайды. АҚШ пен Қытай арасындағы Үнді-Тынық мұхит аймағында жүріп жатқан бәсекеде Тайуанның маңызды барған сайын артып келеді. Тітпі, көптеген сарапшылар Тайуан екі держава ортасындағы қақтығыстың нүктесіне айналды деп санайды.

“The Qazaq Times”