АҚШтың Мексикамен шекарасынан заңсыз кірмек болған босқындар. Фото; ABC News

Биыл жыл басынан бері АҚШ-тың Мексикамен шекарасында елге заңсыз кірмек болған мигранттардың саны 2005 жылдан бергі жаңа рекордты орнатқан. Жыл басынан бері елдің оңтүстік шекарасынан 1 миллионнан астам босқын ұсталған. Бұл туралы АҚШ-тың CBP ұйымы мәлімдеген.

Мәліметке қарағанда, заңсыз шекара бұзатын босқындардың саны ай сайын артып келе жатыр. Айталық, маусымда 178 мың мигрант шекара бұзып кірмек болған, бұл мамыр айымен салыстырғанда 3 есеге көп. Ал, шілденің ортасына дейін бір ғана Мексикамен шекарадан заңсыз кірмек болған босқындар саны 1 миллионнан асып кеткен.

CBP мәлімдемесінде, бұл сандар тек шекара қызметі жағынан ұсталғандар саны екенін баса айтқан. Шекара бұзып елге кіргендердің саны анықталмаған. АҚШ-тың Шекара және Кеден қорғау ұйымының есептеуінше мамырдан бері заңсыз миграция 23 пайызға көбейген. Бұлардың арасында балалардың саны 15 мыңнан асады.

“The Qazaq Times”