Фото: ашық дереккөз

Ресей мен Беларусь биыл қыркүйекте өтетін «Батыс-2021» әскери оқу-жаттығуына қарқынды дайындалып жатыр. 

Ресей Қорғаныс министрі Сергей Шойгудың мәліметінше, бірлескен әскери шара екі елдің полигондарында жүреді. Алдағы апталарда 4 мың әскери оқу-жаттығу өткізілмек.

Өз кезегінде Беларусь президенті Александр Лукашенко НАТО тарапынан белсенділік артып, қатер төнсе Ресей әскері ел аумағына жылдам келеді деп ескертті. Ол мұндай мәлімдемені Сочиде Ресей басшысымен кездесуден кейін жасады. Ресеймен тұтас бірігіп кетпейтінін де еске салған Лукашенко «Егер НАТО тарапынан белсенділік артып, қақтығыс туындайтындай жағдай болса, Ресей әскері ел аумағына бір күннің ішінде жетеді. Оған қажетті әуежайлар мен базалар бегіленіп қойған» – деді.

"The Qazaq Times"