1 маусымдағы жағдай бойынша Қазақстан өңірлеріндегі эпидемиологиялық ахуалды бағалау матрицасы жарияланды.  Үкімет жанындағы коронавирустың таралуына жол бермеу жөніндегі ведомствоаралық комиссияның Telegram каналы таратқан ақпаратқа қарағанда, елде үш өңір әлі де қызыл аймақта тұр.

«Қызыл» аймақтағы өңірлер: астана қаласы, Ақмола және Қарағанды облыстары.⠀ «Сары» аймақта: Алматы қаласы, Атырау, Батыс Қазақстан, Қостанай, Павлодар және Солтүстік Қазақстан облыстары. «Жасыл» аймақта: Шымкент қаласы, Алматы, Ақтөбе, Жамбыл, Қызылорда, Маңғыстау, Шығыс Қазақстан және Түркістан облыстары. Ал Қазақстан дүниежүзі бойынша «сары» аймақта тұр.

Денсаулық сақтау министрлігінің дерегінше, елде былтыр 13 наурыздан бері коронавирус пен оның пневмониясына шалдыққан адамдар саны 443 мыңға жуықтаған.

«The Qazaq Times»