Фото: ИноСМИ

Түркия президенті Реджеп Тайып Ердоған Германияны «Күрт жұмысшылар партиясын қолдап отыр» – деп айыптады.

«Мен ашық айтамын, Германия террористерді қолдап отыр. Оларды  ұлтшыл «нацист» - деп айтсам олар ренжиді. Түрік барлау қызметі Германияда тұратын, Түркия аумағында террористік ұйым ретінде танылған «Күрт жұмысшылар партиясының» мүшесі делінген  4500 адамның тізімін жіберді.  Алайда Германия тарапы бұл тізімді қараусыз қалдырып, «Күрт жұмысшылар партиясының» мүшелерін қайтармай отыр. Германия Түркияға осы адамдарды қайтармайынша біз оларды фашист деп атайтын боламыз» - деді Ердоған түрік теле арнасының тікелей эфирінде.

Ал Германия үкіметінің баспасөз хатшысы Штеффен Зайберт Түркия тарапынан Германияға ешқандай тізімнің келмегендігін айтқан.

“The Qazaq Times”