Фото: s0.rbk

Жапония коронавирустың күшеюіне байланысты Токиода және көршілес үш префектурада төтенше жағдай жариялады. Үкімет шешімі 8 қаңтарда күшіне еніп, қатаң режим 7 ақпанға дейін жалғасады.

Жапонияның премьер-министрі Ёсихидэ Суга мәлімдемесінде:

«Жаңа жыл мерекесінен кейін коронавирус шамадан тыс өршіп кетті. Бүгін бір ғана Токиода 2400 адам індетке шалдыққан. Мейрамханаларға өте қиын деп ойлаймын. Сондықтан оларға ай сайын 17 мың 300 доллардан көмек береміз. Олимпиаданы өткізе аламыз деп сенемін. Себебі әлемде екпе салына бастады. Біз Жапонияда вакциналауды ақпанның соңында қолға аламыз», – дейді.

Енді 9 қаңтардан бастап Сайтама, Канагава және Тиба аймақтарында мейрамханалар мен шарапханалар кешкі 20.00-де жабылып, көшеде себепсіз жүруге және көп адам болып жиналуға тыйым салынды.

Қазір Жапонияда коронавирус жұқтырғандар саны 260 мыңға жеткен. Қайтыс болғандар саны – 3 609 адам.

"The Qazaq Times"