Сейсенбі, 22 желтоқсан күні Денсаулық сақтау министрлігі Елорда мен БҚО-ның сары аймаққа кіргенін хабарлады.

Ресми дерекке сәйкес, бүгінгі таңда Атырау облысы – қызыл, Қостанай, Ақмола, СҚО, БҚО, Павлодар облыстары мен астана – сары аймаққа енген. Өзге өңірлер әзірге жасыл аймақта. Осылайша жеті өңірде коронавирус жұқтыру қатері жойылмағанын көруге болады.

Министрлік елдегі коронавирустың таралуына байланысты қараша айынан бастап өңірлерді жасыл, сары және қызыл аймақтарға бөліп қарастырып келеді.

Әр түс өзінше карантин шектеулерінің нормаларын бекітеді. Жасыл аймақтағы өңірлерде санитарлық талаптар сақталғанымен, қатаң шектеулер міндеттелмейді. Тек сары және қызыл жолақтағы өңірлерде деңгейіне қарай шектеу шарасы күшейтіледі.

"The Qazaq Times"