Фото: googleusercontent.com

Сот бұрынғы  облыстық мемлекеттік кірістер департаментінің басшысы Қайрат Жұлмұхамбетовты 10 жыл бас бостандығынан және өмір бойына мемлекеттік қызметте жұмыс істеу құқығынан айырды. Бұл туралы Атырау облыстық сотының баспасөз қызметіне сілтеме жасаған PolisNews сайты хабарлады.

Міндетін асыра пайдаланған шенеунік қарамағындағы әкімшілендіру басқармасының басшысынан қызметте жоғарылағаны және жалпы қамқорлығы үшін талап етілетін 10 мың доллардан үш мың доллар көлемінде пара алды деген күдікке іліккен.

Үкім әлі күшіне енген жоқ.

Атырау облыстық сотының баспасөз қызметіненнің дерегі бойынша, шенеунік міндетін асыра пайдаланып, қарамағындағы қызметкерлерді бопсалау арқылы ақша алған.

Айта кетейік, Қайрат Жұлмұхамбетов 2019 жылы маусымда Атырау облыстық  мемлекеттік кірістер департаментінің басшысы болып тағайындалған. Бұған дейін ол  ҚР Қаржы министрлігі Мемлекеттік кірістер комитетінің салық салу әдіснамасы департаментінің директоры болған.

"The Qazaq Times"