Қос Корея басшылары. Фото: googleuser

КХДР басшысы Ким Чен Ын Оңтүстік Корея азаматтарынан отандасының Сары теңізде қайтыс болуына байланысты кешірім сұрады.

Корея Республикасы президентінің әкімшілігіне сілтеме жасаған Yonhap агенттігінің хабарлауынша, Ким Чен Ын сөзінде КХДР мұндай «жиіркенішті оқиғалар» қайталанбас үшін арнайы шаралар қабылдайтынын айтқан.

Бейсенбіде Оңтүстік Кореядан «КХДР-ға қашқысы келген» Корея Республикасының теңіз және балық шаруашылығы Министрлігінің қызметкерін Солтүстік Корея шекарашылары өлтірген. Содан кейін шекара күзетшілері оның денесін өртеп жіберген.

Оңтүстік Кореяның Штаб бастықтары комитетінің мәліметінше, Солтүстік Корея мұндай әрекеттерді Пхеньян бекіткен коронавирустық инфекцияның алдын алуға қатысты карантиндік ережелерге сәйкес жасаған.

"The Qazaq Times"