Ресей президенті Владимир Путин және Украина президенті Владимир Зеленский. Фото: АР

Украина Ресей сыртқы істер министрлігіне Севастопольде өткен әскери-парадқа байланысты наразылық нотасын тапсырды. Бұл туралы Украина дипломатиялық агенттігінің сайтында хабарланды.

Ресми Киев: «Ресей тарапы халықаралық құқық нормаларын, оның ішінде БҰҰ Бас ассамблеясының бірқатар қарарларын және Украина заңнамасын бұзды», – деп бағалады. Осыған байланысты Киев Ресей Федерациясынан «Украинаның мемлекеттік егемендігі мен аумақтық тұтастығына қарсы халықаралық заңсыз әрекеттерді дереу тоқтатуды және Украинаның егеменді территориясының бір бөлігін басып алу үшін түбегейлі шаралар қабылдауды» талап етті.

Ресейлік теңізшілер жексенбіде Ресей әскери-теңіз күштерінің күнін флоттың ірі базаларында – Петропавловск-Камчатскийден бастап Балтыққа дейін атап өткен. Әскери-теңіз шерулері Североморск, Балтық, Севастополь, Каспийск, Владивосток және Тартус флоттарының базаларында өтті.

2014 жылы ақпанда Киевтегі мемлекеттік төңкерістен кейін Қырым мен Севастополь билігі Ресеймен қайта бірігу туралы референдум өткізуге шешім қабылдаған. Сол жылы 16 наурызда өткен сайлауға дауыс беруге құқығы бар адамдардың 80%-дан астамы қатысты.

18 наурызда Ресей президенті Қырым Республикасы мен Севастопольді Ресей құрамына қабылдау туралы келісімге қол қойды, ал 21 наурызда бұл құжат Федералды жиналыста ратификацияланды. АҚШ, Еуроодақ елдері және Украина Қырымды Ресейдің құрамдас бөлігі ретінде мойындамайды.

"The Qazaq Times"