G20 елдері коронавирус пандемиясымен күреске $21 млрд-тан астам қаржы бөлмек.

Наурызда бейнеконференция форматында өткен G20-ның бірінші саммитінде «Үлкен жиырмалық» елдері коронавируспен күреске қаржы бөлуге келіскен болатын. Кездесуде көшбасшылар пандемияның әлемдік экономикаға тигізетін кері әсеріне қарсы іс-қимылға ауқымды қаржылық көмек көрсетуді қолдаған.

Politico басылымының хабарлауынша, пандемиямен күреске бөлінетін қаржы диагностика мен коронавирус инфекциясының еміне, вакцианалар әзірлеуге, сондай-ақ пандемиямен күрес аясында зерттеулер мен әзірлемелерге жұмсалады.

Джонс Хопкинс университетінің мәліметтері бойынша әлемде 6,731 млн адам адам коронавирус жұқтырған. Расталған жағдайлар саны бойынша 1,89 млн-нан астам адам вирус жұқтырған АҚШ көш бастап тұр. Екінші орында Бразилия (614,9 мың), үшінші орында Ресей (449,2 мың) тұр.

"The Qazaq Times"