Иран өзінің алғашқы әскери «Noor» спутнигін орбитаға жіберді. Бұл туралы Ислам революциялық сақшылар корпусы хабарлады.

Мехр агенттігінің хабарлауынша, құрылғы Qased ұшыру машинасының көмегімен 425 км биіктікте орбитаға шығарылған. Басқа мәліметтер әлі берілген жоқ.

9 ақпанда Иран өзінің өндірісі Zafar жер серігі бар ұшыру аппаратын ұшырған, бірақ ол орбитаға шықпады. Нысан 530 км биіктікке көтеріледі деп болжалды. Осыдан кейін елдің ақпараттық және коммуникациялық технологиялар министрі Мохаммад Джавад Азари Джахроми Тегеран таяу уақытта жаңа Зафар-2 жер серігін ұшырады деп хабарлаған.

"The Qazaq Times"