Назарбаев Иран сыртқы істер министрін қабылдады. Фото: ҚР СІМ

Astana Club 2019 саммитіне қатысу үшін Қазақстанға келген Иран СІМ басшысын бұрынғы президенті Нұрсұлтан Назарбаев қабылдады. Иран сыртқы істер министрі Жавад Зариф елінен дүйсенбі күні аттанған болатын.

ҚР және ИИР Сыртқы істер министрліктері таратқан ресми мәліметтерге қарағанда, сейсенбідегі Назарбаев пен Зариф арасындағы кездесуде екі ел арасындағы қарым-қатынас мәселелерімен қоса, аймақтық және әлемдік кейбір мәселелер талқыланған.

Қазіргі Парсы шығанағындағы күрделі жағдайларға және Иран-АҚШ қайшылықтарына қарай отырып, Иранның энергетика және сауда қатынасын Орталық Азия мен ТМД елдеріне қарай дамыту жобасының бар екенін білеміз. Кезекті кездесуде де осы тақырыптардың айтылғаны сөзсіз.

“The Qazaq Times”