Фото: Google

Украинада ұшақ құлады. Жанармай бітіп қалғандықтан, экипаж шұғыл қонуға мәжбүр болған. Бұл туралы Украинаның инфрақұрылым министрі Владислав Криклий Facebook-тегі парақшасында мәлімдеді.

Оқиға «Львов» әуежайының маңында чартерлік рейсті орындау кезінде болған. Алдын ала мәліметтер бойынша, апатты жағдайда қонған ұшақтағы төрт адам қаза тапты.

«Мәліметтер бойынша, төрт адам қайтыс болды. Жанармайдың бітіп қалуына байланысты апатты жағдайда қонған. Оқиғаны тергеу басталды», – деп жазды Владислав Криклии әлеуметтік желіде.

Қазіргі уақытта оқиға бойынша тергеу амалдары жүргізілуде. Украинаның инфрақұрылым министрлігінің басшысы қаза тапқандардың туыстары мен достарына көңіл айтты.

"The Qazaq Times"