Иран президенті Хасан Рухани. Фото: IRNA.

Иран президенті Хасан Рухани осы аптадағы БҰҰ Бас Ассамблея сессиясында Парсы шығанағындағы жаңа қауіпсіздік жоспарын жария етеді. Ол бұл жоспар өңірдегі бейбітшілік үшін пайдалы деп қарайды.

Иранның ресми ақпарат агенттіктерінің хабарлауынша, Хасан Рухани Парсы шығанағында жаңа коалиция құру туралы жоспарын жариялауы мүмкін. Президенті Рухани осыдан бұрын қорғаныс өкілдерімен кездесуде: «Жаңа жоспар Парсы шығанағындағы соғыс үшін құрылғаа коалиция секілді емес, бейбітшілікке бастайтын жоба болады», – деген.

Бұдан бір апта бұрын Сауд Арабиясының мұнай нысандарына шабуыл жасалып, әлемдегі мұнай өндіруші ең ірі елдің өндірісі 50 пайызға қысқарған еді. АҚШ шабуылдың артында Иранның тұрғанын айтады. Теһран бұл айыптауды жоққа шығарып келеді.

“The Qazaq Times”