Иран Сыртқы істер министрлігі өткен апта соңында арнайы мәлімдеме жасап, АҚШ-тың Демократияны қорғау ұйымы (FDD) өкілдеріне санкция салғанын мәлімдеді. Иран тарабы аталған ұйым жетекшісін санкция тізіміне енгізіп, оған Трамп үкіметінің Иранға қарсы "Экономикалық лаңкестік" әрекеттеріне қатысты деген айып таққан. 

Иран СІМ мәлімдемесінде Демократияны қорғау ұйымы мен оның жетешісі Марк Дубовитс ИИР үкіметі мен халқының қауіпсіздігі және ұлттық мүдделеріне қарсы белсенді қарсылық әрекеттерімен айналысып келгенін айтқан. Аталған ұйым Ирандағы әлеуметтік толқуларды күшейту, саяси алауыздықты қоздыру, халық пен үкімет арасына жік салу сынды мақсаттары болғанын айтқан.

“The Qazaq Times”