Фото: REUTERS

Солтүстік Корея Хамхын қаласынан Жапон теңізіне қарай тағы да екі зымыран ұшырды. Yonhap агенттігінің мәліметінше, Пиоңяң бұл жолы жақын қашықтықтағы баллистикалық зымыранды сынақтан өткізген.

Аталған агенттік Солтүстік Корея кезекті зымырандарды Уашингтон мен Сеулдің бірлескен әскери оқу-жаттығуларына наразылық ретінде сынақтан өткізгенін айтады.

Былтыр Сингапурде алғаш рет АҚШ пен Солтүстік Корея басшыларының саммиті өткен. АҚШ президенті Дональд Трамп пен Солтүстік Корея басшысы Ким Жоң Ын келіссөздер қорытындысы бойынша ортақ құжатқа қол қойды. Онда Пиоңяң Корей түбегін ядролық қарудан толық босатуға дайын екенін мәлімдеп, АҚШ оған қауіпсіздікке кепілдік беруе міндеттелген болатын. Дегенмен, америкалық барлау қос ел басшысы арасында уағдаластық болғанына қарамастан, КХДР ядролық қару жасауды әлі жалғастыруда деп хабарлаған еді. Ал Солтүстік Корея тарапы АҚШ пен Оңтүстік Кореяны Корей түбегіндегі шиеленісті бәсеңсітетін келісімді бұзып, қайтадан әскери жаттығу өткізіп жатыр деп айыптаған.

25 шілдеде КХДР Жапон теңізіне қарай қарай атауы белгісіз екі зымыранын ұшырған болатын. Бұл жайтты Оңтүстік Корея Республикасының қарулы күштері бұл жағдайды бақылауда ұстап отырғанын жеткізген.

"The Qazaq Times"