Фото: petapixel.com

Facebook Instagram мен WhatsApp әлеуметтік желілерінің атауын өзгертпек.

Facebook компаниясы өзінің атын Instagram мен WhatsApp әлеуметтік желілеріне қосуды жоспарлап отыр.  Бұдан былай "Instagram Facebook-тен" (Instagram from Facebook) және  "WhatsApp Facebook-тен" (WhatsApp from Facebook) болмақ.

Бұған қатысты корпорация өкілі Берти Томсон былай дейді: "Біз Facebook компаниясына тиесілі өнімдер атауларының нақты болғанын қалаймыз. Яғни, компанияға тиеселі екендігін көрсетіп тұруы қажет".

Instagram мен WhatsApp-тың атауы қосымшалардың өзінде, сонымен қатар App Store мен Google Play-де өзгереді. Ал, компания өкілінің айтуынша, смартфон экранында әлеуметтік желі атаулары өзгермейді. Мұндай өзгеріс компанияның бас директоры Марк Цукербергтің Facebook-тің екі арр-ті жетілдіру үшін қажетті несие ала алмайтындығына ренішін білдіргеннен кейін орын алып отыр.

Ал, сенатор Элизабет Уоррен секілді саясаткерлердің сөзіне сүйенсек, Facebook-тің әлемдегі ең танымал әлеуметтік желілердің үшеуін басқаруы оның әлеуметтік желі саласында монополияға ие екендігін білдіреді. Сол себепті олар Instagram мен WhatsApp әлеуметтік желілерін Facebook-тен бөлу керек деп санайды.

Айта кетейік, Facebook компаниясы Instagram-ды 2012 жылы 1 миллиард долларға, ал 2014 жылы WhatsApp-ты 19 миллиард долларға сатып алған еді.

"The Qazaq Times"