Фото: katedrala.cz Қытай әскері

 Қытайдың биылғы жылғы әскери бюджеті бірден 7 пайызға артып,   ЖІӨ-нің 1,3 бөлігін  құрап отыр. Бұл туралы Бүкілқытайлық халық өкілдерінің жиналысының ресми төрағасы Фу Ин мәлімдеді.

"Біз әр жылы Қытайдың экономикалық дамуы мен халықтың қажеттіліктерін ескере отырып әскери бюджетті есептеп шығарамыз. Ал биылғы көрсеткіш бірден 7 пайызға артып, ЖІӨ-нің 1,3 пайызын құрап отыр" - деді, Фу Ин.2016 жылы әскерге бөлінетін қаржы көлемі 7,6 пайызға артып, 146 млрд долларды құрады, ал 2015 жылы 135 млрд  доллар қаражат бөлінген болатын.

Бұл мәлімдеме АҚШ президенті Дональд Трамптың қорғаныс күштеріне жұмсалатын қаржы көлемін 10 пайызға арттырып, әскери базасын жақсарту туралы жоспарларын жариялағаннан кейін  жасалып отыр.Қазіргі таңда әлем бойынша Қытай АҚШ-тан кейінгі әскери бюджеті ең көлемді елдің бірі .

“The Qazaq Times”