Photo: Akorda

Өзбекстан мен Қазақстан шекарада халықаралық сауда-экономикалық ынтымақтастық орталығын құрмақ. Бұл туралы ҚР Президенті Қасым-Жомарт Тоқаевтың Өзбекстанға  сапары барысында белгілі болды.

"Бұл жобаны жүзеге асыру трансшекаралық сауданы оңтайландыруға, бақылау инфрақұрылымын жақсартуға, аймақтағы ірі сауда-логистикалық хабты құруға көмектеседі", - деді мемлекет басшысы Өзбекстан президенті Шавкат Мирзияевпен кездесуден кейін.

Жаңа орталық «Орталық Азия» деп аталады. Жоспар бойынша, аталған жоба 2020 жылдың соңына қарай екі ел арасындағы тауар айналамын 5 миллиард долларға жеткізбек. Қазіргі таңдағы тауар айналымы 3 миллиард долларды құрап отыр.

Айта кетейік, кеше Қазақстан президенті Қасым-Жомарт Тоқаев пен Өзбекстан басшысы Шавкат Мирзиеевпен кездесті. Президент Тоқаев пен Мирзиеев арасындағы кеңейтілген кездесу отырысында 9 ірі келісімге қол қойылған болатын. Сондай-ақ, мемлекет басшысы Өзбекстандағы Қазақстан жылының ашылу салтанатына қатысты.

"The Qazaq Times"