Иран тасқыннан зардап шегуде. Фото: Earther - Gizmodo,

Иран  Ислам Республикасы табиғи апаттан ауыр зардап шегуде. Нөсерлі жауынның әсерінен елдің 23 провинциясы сел қатерінде қалды. Кеше Иран ІІМ басшысы Селмани 23 провинцияда төтенше жағдай жариялады.

Ирандық ИСНА ақпараттық агенттігінің хабарына қарағанда, Ішкі істер министрі Селмани елдегі барлық төтенше жағдайлар департаменттерін аттанысқа келтіргенін мәлімдеген.

Сел қаупі бар өңірлердегі әкімшілік қызметкерлер апат қаупі сейілгенге дейін демалыссыз жұмыс істеуге жұмылдырылған.

Иранда екі аптадан бергі нөсерлі жаңбырдан бірқатар өңірлерде тасқын апаты болып, көптеген елді мекендерді су басқан. Ресми мәліметте, табиғи апат салдарынан 44 адамның қаза тапқанын, оннан астам адамның жоғалған.

“The Qazaq Times”