АҚШ Cенаты Йеменде Сауд Арабиясына қолдау көрсетуді тоқтату туралы қарар қабылдады.

Reuters агенттігінің хабарлауынша, жаңа қарарға 54 сенатор қолдап дауыс берсе, 46-сы қарсы шықты. Егер Конгрестің төменгі палатасына жолданған құжаттың қабылдануына қауымдар палатасы келісімін берсе, президент Трамп 30 күннің ішінде оған қол қоюы тиіс. Дегенмен, Сауд Арабиясына қатысты істе АҚШ тікелей араласып отырмағандықтан, президент Дональд Трамп қарарға вето қоюы мүмкін.

Айта кетейік, Йеменде президент Абд Раббу Мансур Хади әскері мен шейіт көтерілісшілері арасындағы соғыс 2014 жылдан бері жалғасып келеді. Сол уақыттан бері Уашингтон тарапы Эр-Риядты қару-жарақпен қамтамасыз етіп, логистикалық көмек көрсетіп келеді.

"The Qazaq Times"